من هو احسن انسان في الدنيا

للأسف كل إنسان بيبص لحد تانى و ينبهر به و يبقا نفسه يبقا زييه
لدرجة إنه ممكن يتحسر على نفسه و يقول
"ليه يا رب ما خلقتنيش زى فلان "
بل ممكن يضغط على إبنه (أو بنته ) علشان يبقا بصورة فلان

و ماحدش قادر يفهم إن فى إختلافنا حكمة من ربنا علشان الحياة تمشى صح

"...وَرَفَعَ بَعۡضَكُمۡ فَوۡقَ بَعۡضٍ دَرَجَاتٍ لِّيَبۡلُوَكُمۡ فِى مَا آتَاكُمۡ"
سورة الأنعام رقم الآية 165

لكن مين فينا ما يحبش يكون هو أحسن واحد فى الدنيا
أو حد من ولاده يبقا أحسن واحد فى الدنيا ؟

هو دة مش حق كل واحد فينا ؟

طيب مين هو أحسن واحد فى الدنيا أصلا ؟

و هل ممكن كل واحد مننا يبقا أحسن واحد فى الدنيا ( رغم كوننا إتخلقنا فى درجات مختلفة ) ؟

و لقيت الأسئلة دى على منتدى تانى
و بالإجابة عليها عرفت مين هو أحسن واحد فى الدنيا

تعالوا إقروها معايا و جاوبوا عليها

فكر واجب على هذه الأسئلة:

1. ما أسماء الأشخاص الخمسة الأغنى في العالم؟
2. ما أسماء ملكات جمال العالم للسنين الخمس الماضية؟
3. ما أسماء حملة جائزة نوبل للسنين العشر الماضية؟
4. ما أسماء حملة اوسكار أفضل ممثل للسنين العشر الماضية؟

أسئلة صعبة أليس كذلك؟
لا تخف،
لا احد يتذكرهم جميعا.
التهليل يموت ويختفي ويضمحل
الجوائز يسكنها الغبار

***
الآن اجب عن هذه الأسئلة:

1. ما أسماءالأساتذة اللى اثروا عليك في حياتك الدراسية ؟
2. ما أسماء أصدقاءك اللى وقفوا معك في وقت شدتك. ؟

3. ما إسم الشخص اللى جعلك تفكر بأنك شخص مميز ؟
4. ما إسم الأشخاص اللى يعجبك قضاء وقتك معهم ؟

هذه الأسئلة أسهل من تلك، أليس كذلك؟

هؤلاء لم يفوزوا بالجوائز
وليسوا من أغنياء العالم
هؤلاء هم الذين يهتمون لك ، ، ويعتنون بك،، ويتحدون الظروف للوقوف إلى جانبك وقت الحاجة.
فكر بهذا للحظة

و فعلا لما فكرت
لقيت إن كل واحد فيهم - بالنسبة لى - أحسن واحد فى الدنيا

و إفتكرت قوله تعالى
" وَفِى ذَٰلِكَ فَلۡيَتَنَافَسِ الۡمُتَنَافِسُونَ "
(سورة المطففين رقم الآية 26)

معنى كدة إنى
لو كانت صحبتى حلوة
أو علمت حد علم نافع
أو وقفت جنب حد فى شدته

أبقا أنا أحسن واحدة فى الدنيا
مش كدة و لا إيه ؟

منقول